Frakkar í fimmta sæti

Frakkland varð í fimmta sæti á EM í handbolta eftir sigur á Svartfellingum, 23-19, í dag.

Frakkar unnu þar með sinn fimmta leik í röð á mótinu en liðið byrjaði illa og tapaði fyrstu tveimur leikjum sínum í riðlakeppninni, fyrir Noregi og Ungverjalandi.

Þær frönsku höfðu nokkra yfirburði í dag og voru með sjö marka forystu í hálfleik, 12-5.

Munurinn varð mestur snemma í síðari hálfleik er Frakkar komust í 16-6 forystu.

Síðar í dag fara fram undanúrslitin á EM í handbolta. Klukkan 13.30 eigast við Rúmenía og Svíþjóð og klukkan 16.00 gestgjafarnir Danmörk og Noregur.