Alfreð og Aron unnu Meistaradeild Evrópu með Kiel

Kiel var rétt í þessu að tryggja sér sigur í Meistaradeild Evrópu í handknattleik. Alfreð Gíslason stýrir liðinu og var að vinna sinn fyrsta Meistaradeildartitil. Sömu sögu er að segja af Aroni Pálmarssyni.

Leikurinn var æsispennandi allan tímann en Aron spilaði ekki mikið í leiknum.

Kiel var undir lengi vel en komst yfir þegar um fimm mínútur voru eftir. Það var meðal annars tveimur mörkum yfir þegar tvær mínútur voru eftir.

Liðin skiptust á að skora og þegar ein mínúta var eftir setti Barcelona boltann í stöng en náði frákastinu. Þegar 45 sekúndur voru eftir skoraði liðið og Kiel fór í sókn og skoraði líka. Lokatölur 36-34.

Kiel varð Evrópumeistari árið 2007 en Alfreð hefur nú unnið alla þrjá stóru titlana með félaginu hann hefur orðið Þýskalandsmeistari, Bikarmeistar og nú Evrópumeistari. Sannarlega magnaður árangur hjá honum.