Lögbann rætt í samgöngunefnd - Ögmundur fjarverandi

Fundarhlé er á Alþingi vegna frumvarps um lögbann á verkfallsaðgerðir flugvirkja sem hafa lamað flug Icelandair. Málið er nú til umræðu í samgöngunefnd.

Snarpar umræður urðu um málið á öðrum tímanum í dag. Þá kom fram í máli Þorgerðar Katrínar Gunnarsdóttur, varaformanns Sjálfstæðisflokksins, að flokkurinn myndi ekki leggjast gegn áformum ríkisstjórnarinnar. Þór Saari, þingmaður Hreyfingarinnar, leggst alfarið gegn banninu.

Ekki hefur náðst í Ögmund Jónasson, þingmann Vinstri grænna vegna málsins í dag. Hann er fjarverandi á þingi í dag, líkt og formaður Vinstri grænna, Steingrímur J. Sigfússon sem er staddur í Kaupmannahöfn.

Icelandair vonast til þess að hefja flug án ný klukkan fjögur í dag.