Shaq fer í aðgerð í dag

Cleveland Cavaliers þarf líklega að þrauka fram að úrslitakeppni án Shaquille O´Neal en Shaq fer í aðgerð á þumalputta í dag.

Forráðamenn Cavs segja að ekki verði hægt að segja nákvæmlega til um hvenær Shaq komi aftur fyrr en aðgerðinni sé lokið.

O´Neal hefur leikið vel fyrir Cleveland í vetur og skorað 12 stig og tekið 6,7 fráköst að meðaltali í leik.

O´Neal meiddist á þumlinum gegn Boston þegar stóra barnið Glen Davis varði frá honum skot í fyrri hálfleik.

Anderson Varejao mun leysa Shaq af á meðan hann er meiddur og svo gæti Ilgauskas verið á leiðinni til Cleveland á ný seinni part þessa mánaðar.