Ólafur nýtti skotin vel í sigri Ciudad Real

Ólafur Stefánsson skoraði 5 mörk úr aðeins 6 skotum í níu marka sigri Ciudad Real á Torrevieja í spænska handboltanum í kvöld. Með sigrinum náði Ciudad fjögurra stiga forskoti á Barcelona sem á reynda leik til góða.

Ólafur skoraði 3 af mörkum sínum í kvöld af vítalínunni en hin tvö mörkin skoraði hann með gegnumbrotum. Ólafur reyndi ekki langskot í leiknum.

Ólafur var ekki í byrjunarliði Ciudad í kvöld þar sem Króatinn Peter Metlicic fékk að byrja í hægri skyttunni. Metlicic var með 4 mörk úr 7 skotum í leiknum en markahæsti leikmaður liðsins var Siarhei Rutenka með 6 mörk.