Lífleg fasteignasala í Kópavogi miðað við markaðinn

Fjöldi þinglýstra kaupsamninga á höfuðborgarsvæðinu 6. nóvember til og með 12. nóvember 2009 var 51. Athygli vekur að af þessum fjölda voru 20 samningar í Kópavogi og hafa 10 fasteignir verið seldar í Kópavogi að meðaltali á viku síðustu þrjá mánuði.

Þetta kemur fram á vefsíðu Fastiegnskrár ríkisins. Þar segir að af þessum fjöld voru 36 samningar um eignir í fjölbýli, 12 samningar um sérbýli og 3 samningar um annars konar eignir en íbúðarhúsnæði. Heildarveltan var 1.625 milljónir króna og meðalupphæð á samning 31,9 milljónir króna.

Á sama tíma var 3 kaupsamningum þinglýst á Suðurnesjum*. Þeir voru allir samningar um eignir í fjölbýli Heildarveltan var 36 milljónir króna og meðalupphæð á samning 11,9 milljónir króna.

Á sama tíma var 4 kaupsamningum þinglýst á Akureyri. Þar af voru 2 samningar um eignir í fjölbýli og 2 samningar um sérbýli. Heildarveltan var 61 milljón króna og meðalupphæð á samning 15,3 milljónir króna.

Á sama tíma var 5 kaupsamningum þinglýst á Árborgarsvæðinu**. Þar af voru 3 samningar um sérbýli og 2 samningar um annars konar eignir en íbúðarhúsnæði. Heildarveltan var 94 milljónir króna og meðalupphæð á samning 18,9 milljónir króna.