Valur hættur sem þjálfari Njarðvíkur

Valur Ingimundarson er hættur sem þjálfari Njarðvíkur og stýrði liðinu því í síðasta sinn í úrslitaleik Powerade-bikarsins í dag. Það kemur fram á heimasíðu Njarðvíkur og Valur hafi gengið á fund stjórnar á föstudaginn og beðist lausnar frá störfum sem þjálfari félagsins frá og með morgundeginum.

Valur hættir því sem þjálfari Njarðvíkur aðeins nokkrum dögum á eftir að bróðir hans, Sigurður Ingimundarson, hætti með sænska liðið Solna. Valur var einmitt úti hjá Sigurði þegar hann sagði upp hjá sænska úrvalsdeildarliðinu.

Ekki er ljóst hver tekur við Njarðvíkurliðinu en á heimasíðu Njarðvíkur kemur fram að fréttir af þjálfaramálum ættu að detta inn á næstu tveimur dögum.