Íslandsmeistarar Hauka unnu 31-24 sigur gegn nýliðum Gróttu í N1-deild karla í handbolta að Ásvöllum í dag en staðan var 13-11 Haukum í vil í hálfleik.
Sigurbergur Sveinsson var markahæstur hjá Haukum með 8 mörk, Freyr Brynjarsson skoraði 6 mörk og Björgvin Hólmgeirsson og Elías Már Halldórsson skoruðu 4 mörk hvor. Þá varði Aron Rafn Eðvarsson 16 skot í marki Hauka.
Hjá Gróttu var gamli Haukamaðurinn Jón Karl Björnsson markahæstur með 8 mörk en sjö þeirra komu úr vítum. Anton Rúnarsson skoraði 6 mörk og Ægir Hrafn Jónsson 3 en Gísli Rúnar Guðmundsson varði 14 skot í markinu.
