Innlent

Hefur ekki borist svar frá KSÍ varðandi kampavínsmálið

Mynd/Arnþór Birkisson
Katrín Jakobsdóttir, menntamálaráðherra, telur mikilvægt að Knattspyrnusamband Íslands setji reglur um framferði fulltrúa sambandsins erlendis og hér á landi. Hún er ekki búin að fá formlegt svar frá Knattspyrnusambandinu varðandi kampavínsmálið svokallaða.

Stjórn Knattspyrnusambands Íslands ákvað á fundi sínum í gær að ekkert verði aðhafst í máli Pálma Jónssonar, fjármálastjóra sambandsins, vegna eyðslu hans upp á þrjár milljónir króna á þáverandi gengi á nektarstað í Sviss árið 2005. Stjórnin telur ekki tilefni til að bregðast frekar við þessu máli þar sem Pálmi hafi verið áminntur og hlotið refsingu sem þótt hæfileg á sínum tíma. Hann mun því starfa áfram hjá KSÍ. Skipaður verður starfshópur til að setja nýjar siðareglur fyrir sambandið.

„Ég er reyndar ekki búinn að fá formlegt svar frá KSÍ. Ég er bara búinn að sjá þá yfirlýsingu sem birtist í fjölmiðlum í gær og ég bíð eftir hinu formlega svari," sagði Katrín að loknum ríkisstjórnarfundi í morgun.

„Ég vil bara segja það að ég held að sumu leyti sé það mikilvægt sem kom fram í þessari yfirlýsingu að KSÍ ætli að móta sér reglur um framferði fulltrúa KSÍ bæði erlendis og hérlendis. Ég held þetta sé eitthvað við þurfum líka að ræða almennt í íþróttahreyfingunni," sagði Katrín.


Tengdar fréttir

Stjórn KSÍ biðst afsökunar á kampavínsmálinu

Stjórn KSí hyggst ekki aðhafast frekar í máli fjármálastjóra sambandsins en hann heimsótti strípibúllu í Sviss fyrir fjórum árum þar sem hann notaði greiðsluskort KSÍ. Fjármálastjórnin mun því starfa áfram hjá sambandinu. Stjórnin harmar tildrög málsins og biður þjóðina, knattspyrnuhreyfinguna og aðildarfélög sín afsökunar á því.

KSÍ rukkað fyrir kampavín og klám

Óljóst er hvort fjármálastjóri Knattspyrnusambands Íslands framvísaði korti sambandsins á nektarstað í Sviss eða hvort það var tekið ófrjálsri hendi. Svissneski vefmiðilinn 20minutenonline.ch segir frá því að starfsmaður KSÍ og sambandið sjálft hafi verið rukkað fyrir jafnvirði átta milljóna króna eftir næturheimsókn starfsmannsins á strípibúllu í Zürich. Af þessu hafi spunnist dómsmál.

Efast um að KSÍ geti samið siðareglur

Guðný Gústafsdóttir, talskona femínista, segir afgreiðslu Knattspyrnusambands Íslands í máli fjármálastjóra sambandsins í kampavínsmálinu hlægilega. Hún efast um að þeir sem afgreiði málið með þessum hætti geti samið siðareglur fyrir sambandið, eins og stjórnin hyggst gera. Rætt var við Guðnýju í seinnifréttum Ríkissjónvarpsins.

Kampavínsmálið: Mál eins manns breytir engu um styrki til KSÍ

Forsvarsmaður eins stærsta styrktaraðila KSÍ segir að mál eins manns breyti ekki afstöðu fyrirtækisins til sambandsins. Styrktarsamningurinn sé fyrir íslensk knattspyrnu, íslensk ungmenni og íslensku landsliðin. Menntamálaráðherra telur þetta mál ekki vera íþróttahreyfingunni til framdráttar.

Vilja að stjórn KSÍ segi af sér vegna heimsóknar á strípibúllu

Femínistafélag Íslands fordæmir framferði fjármálastjóra Knattspyrnufélags Íslands og viðbrögð sambandsins við næturheimsókn fjármálastjórans á nektarstað í Sviss. Félagið krefst þess að stjórnin segi af sér og fjármálastjóranum verði vikið úr starfi hið fyrsta.

Stjórnarmaður KSÍ vill setja siðareglur

Ingibjörg Hinriksdóttir, stjórnarmaður í Knattspyrnusambandi Íslands (KSÍ), telur að ekki hafi verið tekið rétt á málum fjármálastjóra sambandsins, en milljónir voru teknar af korti sambandsins sem hann var með á nektarstað í Sviss. Ingibjörg telur að málið hefði átt að vera opinbert frá fyrstu stundu.

Starfsmaður KSÍ fórnarlamb skipulagðrar glæpastarfsemi

Geir Þorsteinsson, formaður Knattspyrnusambands Íslands, var með Pálma Jónassyni, fjármálastjóra KSÍ, í ferð í Sviss þegar 3,2 milljónir króna voru teknar út af greiðslukorti Pálma Jónssonar og greitt var fyrir þjónustu í næturklúbbi. Hann var hins vegar ekki með Pálma inni á viðkomandi næturklúbbi. Þetta sagði Geir í Kastljósi RÚV í kvöld.

Stjórn KSÍ fundar um kampavínsmálið

Stjórn Knattspyrnusambands Íslands situr á fundi og ræðir mál Pálma Jónssonar, fjármálastjóra sambandsins. Eins og kunnugt er heimsótti hann strípibúllu í Sviss fyrir fjórum árum þar sem hann notaði greiðsluskort KSÍ.

Mest lesið


Fleiri fréttir

Sjá meira


×

Mest lesið