Agassi viðurkennir notkun metamfetamíns - laug sig út úr vandræðum

Tenniskappinn Andre Agassi, sem lagði tennisspaðann á hillunna árið 2006, viðurkennir í nýrri ævisögu sinni að hafa notað eiturlyfið metamfetamín.

Agassi vann átta „grand slam" mót á farsælum ferli sínum en árið 1997 féll hann á lyfjaprófi sem alþjóða tennissambandið stóð fyrir og mun það hafa verið út af notkun Agassi á umræddu fíkniefni.

Agassi náði hins vegar að ljúga sig út úr vandræðum við yfirheyrslur vegna málsins með því að segja honum hefði verið byrlað lyfið í gosdrykk sem hann drakk. Agassi var tekinn trúarlegur og málinu var vísað frá en hann átti yfir höfði sér margra mánaða keppnisbann ef hann yrði dæmdur sekur.