Húsleit hjá Milestone og Sjóvá

Jón Hákon Halldórsson skrifar 7. júlí 2009 12:21

Embætti Sérstaks saksóknara er nú við húsleit í höfuðstöðvum Sjóvár. Þá var gerð húsleit í höfuðstöðvum Milestone, á heimilum allra fyrrverandi stjórnarmanna og á heimili Þórs Sigfússonar, fyrrverandi forstjóra Sjóvár. Hörður Arnarson, núverandi forstjóri Sjóvár, staðfestir að þar séu menn að safna gögnum og starfsmenn fyrirtækisins aðstoði þá eftir bestu getu.

Hörður segir að málið snúi ekki að tryggingarstarfsemi fyrirtækisins heldur fjárfestingastarfsemi sem félagið hefur verið í. Hörður segir að tilkynning verði send út vegna málsins á eftir.

Sérstakur saksóknari er nú að rannsaka stórfellt fjármálamisferli sem tengist starfsemi Milestone og Sjóvár.Rannsóknin snýr meðal annars að meintri misnotkun á bótasjóði Sjóvár en um sjóðinn gilda strangar reglur hvað varðar not á fé úr honum til fjárfestinga.

Talið er að Milestone hafi notað fé úr bótasjóðnum til að fjármagna m.a. kaupin á fjármálafélaginu Moderna í Svíþjóð. Upphaflega hét það félag Invik & Co. og þegar Milestone keypti það í apríl 2007 var kaupverðið um 70 milljarðar kr.

Og nefna má að nýlega komust fasteignakaup í Macau í fréttirnar en á þeim kaupum tapaði Milestone þremur milljörðum kr. Mun rannsóknin snúast um hvort fé úr bótasjóði Sjóvá hafi verið notað í þeim kaupum.

Tengdar fréttir

Tilkynning frá Sjóvá: Húsleit tengist fjárfestingastarfsemi

jóvá hefur sent frá sér fréttatilkynningu vegna húsleitar embættis sérstaks saksóknara í höfuðstöðvum Sjóvar í morgun. Vill fyrirtækið árétta að sú rannsókn sem nú fer fram á málum er varða samskipti Sjóvár og Milestone, snýr eingöngu að fjárfestingatengdri starfsemi en hefur ekkert með tryggingastarfsemi Sjóvár að gera.

7. júlí 2009 13:55

Leitað á skrifstofu Samtaka atvinnulífsins

Einn af þeim fjölmörgu stöðum sem starfsmenn sérstaks saksóknara gerðu húsleit á í dag er á starfsstöð Þórs Sigfússonar, formanns Samtaka atvinnulífsins, á skrifstofu samtakanna, en Þór hefur haft þar starfsaðstöðu í nokkrar undanfarnar vikur.

7. júlí 2009 13:50

„Öll mín verk þola dagsbirtuna, eigendurnir sáu um fjárfestingar“

„Ég er feginn að þessi athugun fari fram, öll mín verk þola dagsbirtuna. Fjárfestingar félagsins voru fyrst og fremst á ábyrgð eigenda félagsins en mitt verkefni var fyrst og fremst vátryggingastarfseminn. Ég var þó ábyrgur fyrir allri starfsemi félagsins en mér er ekki kunnugt um að nokkuð ólöglegt hafi farið fram.

7. júlí 2009 12:59

Mest lesið

Fleiri fréttir