Hreiðar og félagar í undanúrslit

Það er ekkert lát á góðu gengi Sävehof í sænska handboltanum. Liðið tryggði sig í kvöld inn í undanúrslitin í sænska handboltanum er það lagði Redbergslid, 27-23. Staðan í leikhléi var 12-12.

Sävehof vann rimmuna því 3-0. Landsliðsmarkvörðurinn Hreiðar Levý Guðmundsson spilar með Savehof sem vann deildarkeppnina örugglega.

Það er því margir sem spá því að Sävehof fari alla leið í ár. Hreiðar myndi því kveðja félagið með titli en hann hyggst róa á önnur mið í sumar.