Landhelgisgæslan siglir til móts við hollenska skútu

Landhelgisgæslunnu bárust boð kringum kvöldmatarleyti í gærkvöldi um gervihnött vegna hollenskrar skútu á leið frá Grænlandi til Íslands sem átti í vandræðum þar sem mastur skútunnar brotnaði í slæmu veðri daginn áður.

Skútan komst nærri karfaveiðiskipunum við 200 sjómílnamörkin SV af Reykjanesi. Landhelgisgæslan sambandi við færeyska togarann Enneberg sem aðstoðaði mennina tvo á skútunni "Shanty" við að bæta á hana eldneyti allt að 80 lítrum.

Skútan hélt síðan áleiðis til Íslands en sendi svo frá sér boð um farþegaskipið m/v Princes Danae sem mætti skútunni snemma í morgun. Þá kom í ljós að annar skipverji var með einhver meiðsl/veikindi í öðrum fæti.

Ekki náðist að greina frekar vegna sambandsleysis hve alvarleg veikindin væru en aðalfjarskiptabúnaðurinn hvarf í hafið þegar mastur skútunnar brotnaði. Landhelgisgæslan gerði þær ráðstafanir að senda eitt skipa sinna til móts við skútuna og gætu skipin mæst síðar í dag eða kvöld.