Handtekinn í teiti Íhaldsflokksins

Lögregla í London handtók mann sem staddur var í leyfisleysi í þinghúsinu og sótti þar vorfögnuð Íhaldsflokksins um helgina. Beita þurfti piparúða til að yfirbuga manninn sem lét ófriðlega og hafði stofnað til rifrildis við einn gestanna. Hinn handtekni bar ekki innanhússskilríki sem áskilin eru til að komast inn í og mega fara um húsið. Málið þykir hið vandræðalegasta fyrir lögregluna sem vinnur einmitt að því núna að skipuleggja öryggisgæslu á ráðstefnu 20 stærstu iðnríkja heims sem hefst í London í þessari viku.