Chelsea fékk leyfi hjá Rússunum

Rússneska knattspyrnusambandið hefur gefið Chelsea leyfi til að ræða við Guus Hiddink um að taka að sér stöðu knattspyrnustjóra hjá félaginu tímabundið.

Þetta hefur Chelsea nú staðfest en fyrr í dag greindi Hiddink sjálfur frá því að hann ætti í viðræðum við forráðamenn félagsins.

Hvorki rússneska sambandið né Hiddink sjálfur vilja að hann hætti starfi sínu sem landsliðsþjálfari Rússa. Né heldur að hann gegni báðum störfum samtímis, nema til loka tímabilsins í Englandi.

Chelsea sagði í yfirlýsingu sem birtist á heimasíðu félagsins að þeir væru þakklátir rússneska knattspyrnusambandinu fyrir leyfið.