Flott tilþrif hjá Jakobi í fyrsta leik - myndband

Jakob Örn Sigurðarson byrjaði vel með Sundsvall í sænsku úrvalsdeildinni á föstudaginn og nú má finna myndband á Youtube með flottustu tilþrifum leikmanna Sundsvall í leiknum. Sundsvall vann 73-66 sigur á Gothia á heimavelli og leikmenn liðsins fönguðu vel í lokslok.

Jakob kemur mikið við sögu í myndbandinu sem má finna hér en þar má sjá þrjár flottar körfur sem og 3 stoðsendingar hjá honum. Jakob var með 12 stig, 7 fráköst og 6 stoðsendingar á þeim 33 mínútum sem hann spilaði í leiknum. Hann var annar í stigum og fráköstum og efstur í stoðsendingum hjá Sundsvall-liðinu í leiknum.