Sigur hjá Sundsvall

Íslendingaliðið Sundsvall vann í dag 2-1 sigur á Halmstad í sænska boltanum. Þetta eru mikilvæg stig fyrir liðið en það er í næstneðsta sæti eftir ellefu umferðir.

Hannes Þ. Sigurðsson lék allan leikinn fyrir Sundsvall og Ari Freyr Skúlason lék í 82 mínútur. Sverrir Garðarsson var á varamannabekk Sundsvall og kom ekki við sögu.

Eyjólfur Héðinsson kom inn sem varamaður á 39. mínútu þegar GAIS vann 3-0 sigur á Örebro.

Elfsborg gerði sér lítið fyrir og vann Gautaborg örugglega 3-0. Ragnar Sigurðsson og Hjálmar Jónsson léku allan leikinn fyrir Gautaborg og Helgi Valur Daníelsson allan leikinn fyrir Elfsborg.