Kjarnasamningur samþykktur á Húsavík og í nágrenni

Verkalýðsfélag Húsavíkur og nágrennis samþykkti nýgerðan kjarasamning Starfsgreinasambands Íslands og Samtaka atvinnulífsins með miklum yfirburðum.

Verkalýðsfélagið stóð fyrir póstatkvæðagreiðslu og greiddu um 42 prósent þeirra rúmlega 650 félagsmanna atkvæði í kosningunni. 86 prósent samþykktu samninginn, 12 prósent voru á móti og auð og ógild reyndust eitt prósent atkvæða. Samningurinn skoðast því samþykktur af hálfu Verkalýðsfélags Húsavíkur og nágrennis.

Fyrr í dag var greint frá því að aðildarfyrirtæki Samtaka atvinnulífsins hefðu samþykkt samninginn sem gerður var 17. febrúar.