Kaup Nordic Partners á Hamé samþykkt

Tékkneska samkeppniseftirlitið hefur lagt blessun sína yfir kaup íslenska fjárfestingafélagsins Nordic Partners á tékkneska matvælafyrirtækinu Hamé. Gengið var frá kaupunum í byrjun þessa árs en þau voru háð samþykki samkeppnisyfirvalda í Tékklandi.

Hamé er eitt þekktasta matvælafyrirtæki Tékklands og hefur um 3000 manns í vinnu. Hagnaður félagsins á síðasta ári fyrir afskriftir og skatta var um 2,5 milljarðar íslenskra króna samkvæmt heimildum Vísis.

Búist er við að Nordic Partners taki að fullu við rekstri Hamé innan mánaðar.