Fimmti sigur TCU í röð

Helena Sverrisdóttir skoraði níu stig og tók tólf fráköst í sigri TCU á No. 22/22 Wyoming í bandaríska háskólakörfuboltanum í gær, 73-59.

Helena var fyrr í vikunni útnefnd leikmaður vikunnar í deildinni sem TCU leikur í og sýndi hún í gær að frammistaða hennar undanfarið er engin tilviljun.

Þetta var fimmti sigur TCU í röð en það er lengsta sigurganga liðsins í þó nokkur ár.  

Á þeim 28 mínútum sem hún lék í gær skoraði hún níu stig, tók tólf fráköst - þar af sex í sókn - og gaf fjórar stoðsendingar. Aðeins vantaði því eitt stig upp á tvöfalda tvennu hjá henni.

Hvað fráköstin varðar setti hún persónulegt met í deildinni með því að taka tólf fráköst í leiknum. 

Hún hitti úr tveimur skotum af átta innan þriggja stiga línunnar og eitt af fjórum utan hennar. Hún nýtti tvö af fjórum vítaköstum.