Endurkoma Shaq dugði skammt

Shaquille O´Neal lék með Miami Heat á ný í nótt þegar liðið tók á móti Chicago Bulls í einvígi liðanna sem hafa valdið mestum vobrigðum í Austurdeildinni í NBA. Nærvera miðherjans stóra var ekki nóg til að kveikja í Miami á heimavelli þegar liðið steinlá 126-96.

O´Neal átti ágætisleik og skoraði 24 stig líkt og Dwyane Wade, en eftir jafnan fyrri hálfleik var sá síðari eign Chicago. Joe Smith skoraði 23 stig og hitti úr 9 af 10 skotum sínum hjá Chicago, Luol Deng skoraði 21 stig og þeir Andres Nocioni og Ben Gordon skoruðu 44 stig samanlagt af bekknum. Þetta var ellefta tap Miami í röð.

Indiana vann góðan heimasigur á Golden State 125-117 þar sem Danny Granger skoraði 29 stig fyrir heimamenn en Baron Davis 24 fyrir gestina.

Toronto burstaði Sacramento 116-91 á heimavelli þar sem Chris Bosh skoraði 31 stig og hirti 9 fráköst og hitti úr 11 af 12 skotum sínum og Carlos Delfino skoraði 26 stig af bekknum. Kevin Martin var stigahæstur hjá Sacramento með 22 stig af bekknum, en kvöldið var þó ekki alslæmt fyrir Sacramento því nú hefur það endurheimt þá Ron Artest og Mike Bibby úr meiðslum. Bibby skoraði 19 stig í leiknum af bekknum.

Charlotte lagði Orlando í sveiflukenndum leik þar sem liðið var 19 stigum undir í upphafi þriðja leikhluta en tók mikla rispu og tryggði sér 99-93. Gerald Wallace skoraði 34 stig og hirti 14 fráköst fyrir Charlotte en Dwight Howard skoraði 24 stig og hirti 21 frákast fyrir Orlando.

Boston komst á sigurbraut á ný með 100-90 sigri á Portland á heimavelli. Ray Allen skoraði 35 stig fyrir Boston en Brandon Roy var með 22 stig fyrir gestina.

New York vann þriðja leik sinn í röð í fyrsta skipti í vetur þegar liðið vann langþráðan sigur á grönnum sínum í New Jersey 111-105 á útivelli. Jamaal Crawford var með 35 stig hjá New York en Vince Carter skoraði 26 stig fyrir heimamenn. 

New Orleans burstaði Seattle 123-92. Peja Stojakovic skoraði 23 stig fyrir New Orleans og Tyson Chandler hirti 17 af 21 frákasti sínu í fyrri hálfleik. Kevin Durant skoraði 20 stig fyrir Seattle.

Loks vann Milwaukee 87-80 sigur á Atlanta þar sem Andrew Bogut skoraði 21 stig og hirti 10 fráköst fyrir heimamenn en Marvin Williams var með 22 stig í liði Atlanta. 

Staðan í NBA:

AUSTURDEILD: 

ATLANTIC

1     BOS     31-6

2     TOR     21-18

3     NJN     18-20

4     PHI     15-24

5     NYK     12-26

CENTRAL

1     DET     29-10

2     CLE     20-18

3     IND     18-22

4     MIL     16-23

5     CHI     15-22

   

SOUTHEAST

1     ORL     24-17

2     WAS     20-17

3     ATL     17-18

4     CHA     15-23

5     MIA     8-29

VESTURDEILD:

   

SOUTHWEST

1     SAS     25-11

2     DAL     26-12

3     NOR     26-12

4     HOU     20-19

5     MEM     10-28

   

NORTHWEST

1     POR     23-15

2     DEN     22-15

3     UTH     22-17

4     SEA     9-29

5     MIN     5-32

   

PACIFIC

1     LAL     26-11

2     PHO     26-12

3     GSW     23-17

4     SAC     15-22

5     LAC     11-23