Kasper,Jesper og Jónatan, loksins á Íslandi !

Öll könnumst við, við leikrit Thorbjörns Egner um ræningjana þrjá í Kardemommubænum sem fengu mann til hlægja óspart af því sem þeir gerðu af sér. Og ekki hló maður minna þegar Soffía frænka fór að skipta sér af þeim og reyndi að „ siða" þá til eins vel og hún gat„fussusveijaði" út í eitt yfir því sem þeir virtust hafa gert af sér. Sebastían bæjarfógeti, var yfirleitt ekki langt undan, svona hálfhræddur við þetta allt saman og þorði yfirleitt alls ekki að taka fram fyrir hendurnar á Soffíu frænku þó ! Það mætti kannski segja að ræningjarnir nú í þessu leikriti sem við öll höfum verið vitni af sérstaklega síðustu 5-6 árin hafi verið aðeins fleiri en þeir Kasper, Jesper og Jónatan og Soffía frænka ( Ingibjörg Sólrún ) siðaði þá ekkert til í þessu dýrasta leikriti Íslandssögunnar fyrr og síðar. Né hefur Sebastian bæjarfógeti ( Geir Haarde) enda ekta norðmaður þar á ferð ekki þorað að „fussusveija" á einn né neinn ! og alls ekki sinn fyrrverandi „Foringja"

Reyndar að vel athuguðu máli gæti Sebestían líka verið leikinn af Davíð nokkrum Oddssyni sem stýrir helstu stofnun landsins sem fer með það mikilvæga hlutverk að sjá um peningamálastefnu Kardemommubæjarins.

Sennilegast ætti ég að gefa honum eftir hlutverk Sebastíans þar sem hann hefur í raun aldrei yfirgefið sitt hlutverk og láta Geir Haarde eftir að að vera Lilli Klifurmús ? Hér er ég sjálfsagt farinn að rugla saman hlutverkum í tveimur alls ólíkum leikritum,.enda enginn furða þegar þær uppákomur sem þetta fullorðna fólk hefur boðið uppá í boði Íslands eða nafni þess allavega,á í hlut. Það hefur skort töluvert uppá andlegan þroska, ábyrgðartilifinningu gagnvart sjálfu sér og öðrum og þekkingu og ábyrgð á þeim viðfangsefnum sem stjórmálamenn eru að fást við. Lítt er um kjark, þor og framíðarsýn til að takast á við hlutina eins og þeir eru.

Það þótt líka ótrúlega fréttnæmt um daginn þegar Soffía frænka var með fund meðal síns Samtryggingarfólks um að fólkið kæmi fyrst og flokkurinn svo ! Ég næstum táraðist við þessi tíðindi enda hafði ég ekki áttað mig á því að tíðindin voru þau að fólkið kemur nefnilega aldrei fyrst heldur sú staðreynd að flokkur er ofar öllu, alltaf. Þetta er í reynd það eina sem flestir íslenskir stjórnmálamenn þurfa að muna á sínum starfsferli., í mismiklum mæli þó. Þetta þóttu mikil stórtíðindi í Kardemommubænum en ekki að hún skyldi ekki syngja „fussusveijasöngin" sem ég hafði svo beðið eftir, enda var hann nokkrum sinnum sunginn þegar hún tók við af Sebestían,sem þá hafði einmitt verið bæjarfógeti í nokkur ár í Kardemommubænum . En nú viðurkenndi hún að fólkið yrði sennilegast að komast í fyrsta sinn í fyrsta sæti og flokkurinn svo,.já hugsið ykkur þvílík tíðindi á þessum tímum mikilla hreinsana og umbreytinga. Soffía frænka tók loks af skarið eða hvað ? Það sem Soffíu frænku finnst sjálfsagt erfiðast um þessar mundir er að trúa því að hún sé enn í ríkistjórn undanfarið eitt og hálft ár loksins á Íslandi ! Samtryggingin hefur sjálfsagt ekki kjark né þor né þrautsegju til þess að fylgja sínum hjartansmálum um að láta reyna á um aðildarviðræður við hin Dýrin í Hálsaskógi (Evrópusambandið) með eða án „Flokksins" hins. Því völd og áhrif flokksins núna skipta meira máli fyrir þau en þig mig, einstaklingana, fólkið og fyrirtækin í landinu. Í Kardemommubænum heitir það að vera í stjórn, í raun hversu lengi geturðu hangið á völdunum, sama hvað á gengur og hversu mikil mistök þú gerir svo ekki sé minnst á siðferðilegu hliðina hjá mörgu af þessu fólki. Gildir þar einu hvort um ræðir „Flokkinn", Samtrygginguna eða spilavítin þrjú . Fyrir okkur hin heitir það að axla ábyrgð, ef þér fannst þú ekki kannast við þessa hugmyndafræði.

Þó þykist ég viss um að hefði ég sótt um starf Sebastíans bæjarfógeta sem hafði komið ár sinni vel fyrir borð, þar sem allir seðlar Kardmommubæjarins voru saman komnir sem seðla og eftirlaunastjóri hefðu menn spurt hvaða reynslu og menntun ég hefði í það starf ? En það á ekki við ef þú vilt verða ráðherra í stjórn í Kardemommubænum enda er þar engra meðmæla, reynslu og eða menntunar krafist til þess að öðlast starfið, þú getur meira að segja verið á sakaskrá og ekki er verra að hafa stolið peningum frá landsmönnum því þá er þér verðlaunað með einu þingsæti í boði „Flokksins". Sjóndeildarhringurinn nær ekki út fyrir Hálsaskóg (Valhöll). Það sést kannski best á því að þeir tveir einstaklingar sem eiga að heita ráðherrar peningmála á Íslandi hafa hvorugir reynslu né menntun til að starfa í raun sem slíkir. Sá fyrri Mikki Refur, ráðherra peningamála er víst dýralæknir að mennt en segi kannski sem betur fyrir dýrin í „Hálsaskógi „ er hann fjarri góðu gamni, í sínu fagi því ónæmari og lítt vel þokkaðri mann er vart að finna og hinum dýrunum myndi sennilegast stafa veruleg ógn af honum,.enda óttslegnari og hræddari mann vanfundinn. Sífelt í vörn og minnir helst á Richard Nixon fyrrum Bandaríkjaforseta ( sem þurfti að lokum að segja af sér) svona hálfsveittur, þvalur að því virðist. Maður gæti ímyndað sér að hann hefði endalaust þvalar og rakar hendur sem við handtak er sennilegast frekar laust. Vörn hans felst einmitt í því að segja „ I´m not a crook „

Hinn er að mér skilst sögu og heimsspekingur að mennt, og ekki hefur það nú hjálpað til eða hvað. Þó hann hefði ekki nema skoðað „Þúsund Ára Ríki" Hitlers, þar sem hver „glæsihöllin" var byggð á eftir hver annarri og hvert partýið var haldið á eftir öðru og síðan var lagst í víking til að sigra lönd og álfur, eins og sagan ber vitni um. Hey alveg eins og hjá okkur.. víkingarnir þá eins og forðum daga líkt og títt nefndir útrásarvíkingar þessara aldar, skildu eftir sig sviðnar jarðir og eigur annarra í upplausn eða brenndar, rændu og „nauðguðu" til þess að vera vissir um að ekkert væri eftir ! Þeir eru nú flestir „búsettir" í London líkt og Rússneskir starfsbræður þeirra og kannast ekki við neitt. London er tvímælalaust vinsælasti áfangastaður þessa hóps, virðist inn um þessar mundir. Einn ku þó vera í Noregi..hann er kannski bara svona sveitó eða langaði helst að bera fæðingarbæ Thorbjörns Egner augum til þess að sjá hvaða snillingur hefði skrifað svo flott leikrit fyrir börnin hans.

En áfram með heimsmanninn sem var eins og nýfermdur drengur þegar hann tók við starfi viðskiptaráðherra þó það sé svo sem ekkert athugavert við að vera nýfermdur, þá er spurningin bara sú hvort það séu í sjáflu sér nóg til þess að verða viðskiptaráðherra, ráðherra bankamála í Kardemommubænum, í landi þar sem „spilavitin þrjú" voru margfalt stærri en þjóðarframleiðsla þess lands. Það sem sögu og heimsspekinguirnn frá Selfossi og Mikki Refur dýralæknir frá Hafnarfirði eiga sameiginlegt er að þeir vita báðir meira um hesta heldur en að vera yfirmenn peninga og bankamála í landinu. Eitthvað virðist tungumálakunnátta þessara manna ekki liggja alveg fyrir. Þeas. hvað þeir kunna þá í ensku ? Að vísu talar Lilli klifurmús fína ensku og kom vel fyrir á fundunum með erlendum blaðamönnum hér í óktóber. Það sem við hin vissum ekki þá er að hann hringdi í frændur sína í Noregi og bað um góða „hjálparmús" sem hafði reynslu af því að tala á sama tungumáli og hin dýrin í Hálsskóginum sem hér voru. Það er reyndar spurning með sögu og heimsspekinginn og Sebastían bæjarfógeta og nú seðla og eftirlaunastjóra hvort og hversu vel þeir í raun skilja ensku ? Eitthvað fór víst viðskiptaráðherrann á fund með þeim Breska í september síðastliðnum en lítið fer fyrir þeim fundi í bókum hans gagnvart almenningi eða yfirhöfuð hvort hann skildi hvað orðið afleiður þýðir á ensku ? En eitt er klárt að ráðuneytisstjóri Mikka Refs úr peningamálaráðuneyti Kardemommubæjarins sem var með í för, skildi allt sem þar fór fram og seldi umsvifalaust bréfin sín í Þjóðarspilavítinu hið fyrsta. Við vitum þó allavega að hann skildi allt sem þar fór fram og var ekki lengi að koma sínum málum á „hreint". Fyndnast hefur mér þótt viðbrögð Seðla og efirlaunastjórans við því þegar Rússnesski Björnin í Austur Melrakktundru var sjálfsagt bara að stríða og tékka á stöðunni hér..en þá fullyrti Sebastían greyið að 4 milljarða Dollara lán væri á leiðinni frá Birninum góða. Það hefur verið gert óspart grín að þessu í erlendum fjölmiðlum og reyndar öllum þessum farsa eins og alþjóð veit. En það er sjálfsagt töluvert álag að vera fyrrverandi bæjarfógeti og geta ekki hætt því og nú að hafa tekið að sér undafarð að vera bæði seðla og eftirlaunastjóri.

Í Kardemommubænum hefur undanfarin ár hefur verið boðið uppá þrjú stór spilaviti , (Landsbankann, Glitni og Kaupþing) í hinu nýfrjálsa Ísland sem frekar líktist „Littlu Búlgaríu" því slík var yfirleitt stemmningin hér að hún líktist frekar hinum nýfrjálsu austantjaldsþjóðum en einu norðulandanna sem við svo gjarnan berum okkur saman við þegar það hentar. Boðið var uppá hvert smekklausa hallærispartýið á fætur öðru þar sem fór í senn sambland af mis vel gefnum, siðblindum og í mörgum tilvikum spilltum og sjálfhverfum stjórnmálamönnum sem yfir höfuð höfðu ekki neina faglega þekkingu né reynslu af því sem þar fór fram og græðgi hinnar nýfrjálsu, nýríku stéttar sem hafði verið útbýtt auðnum líkt og nokkrum sjómönnum á árum áður. Í senn var bæði spilað hátt og djarft í boði íslenskara stjórnvalda sem vildu bjóða okkar hinum uppá „Þúsund Ára Ríkið" sem gat ekki fallið , freker en Titanic sokkið ! En eins og Titanic hinn 12. Apríl 1912 var fátt um björgunarbáta hér í október.

Nú eins og fyrr segir og hér er komið við sögu spiluðu spilavítin 3 bæði hátt og djarft í boði Íslenkskra stjórnvalda og Seðlabanka sem höfðu ekki einu sinni fyrir því að setja almennilegar leikreglur í „Villta Norðrinu „boðið var uppá himinháa vexti sem litu svo vel út fyrir allskonar vogunarsjóði sem sáu sér leik á borði og koma að spila í Matador spilinu með gjaldmiðli sem þeir héldu að væru Norsk króna en kom svo í ljós að væri einhver „Jökla" króna, sem hljómaði náttúrulega enn betur. Sumir „gamblararnir" græddu mikið fé á þessum spilavítum en aðrir byrjuðu að tapa verulega og sáu sér frekar þá leik á borði og „tóku sér stöðu" gegn þessum gjaldmiðli sem er svo lítill að menn sögðu: Hey strákar ! við skulum bara veðja á að „Matadorgjaldmiðillinn" gefi eftir enda lítið land með auman eiginn Seðlabanka og svo skulda þessi spilaviti ótrúlegar upphæðir erlendis líka ! Ótrúlegt og ekkert mál að spíta aðeins í lófana. Þessi peningamálastefna, ef svo skyldi kölluð , í raun hvatti bæði fólk og fyrirtæki til þess að skoða þann möguleika að taka lán í erlendum myntum til þess að losna við þessar geysimiklu vaxtabyrgðir af Matadorgjaldmiðlinum sem margir höfðu reyndar efast um að stæðist áhlaup né gæti spjarað sig með svo veikan „Matador" og Matadorkerfi sem var orðið svo margfalt stærra en þjóðarframleiðsla þessa lands.

Sögumaður þykist ekki vera einn af þeim sem segja nú að hann hafi séð þetta fyrir..enda þáði hann hvorki laun né ábyrgð fyrir að vera í þeirra stöðu sem um þetta áttu að sjá. En það voru engu að síður margir bæði innlendir sem og erlendir fagaðilar sem bentu á allt það sem í raun var að gerast og sögðu að það væru kannski helst til of margir Casperar Jesperar og Jónatanar að spila með peninga og því ekki gott ef ílla færi. Sebastían, Soffía frænka og Lilli Klifurmús og spilavítin þrjú blésu yfirleitt á þetta og sögðu að hér væru um einhverjar „galdranornir" að ræða sem bæri að „brenna" enda mikið á móti velgengni landans sem og uppfullir af öfund og afbrýðsemi. Ekki laust við að sumir þeirra hafi verið það. En við eins og í „Þúsund ára Ríkinu" var blásið á allt slíkt og gerðum það fólk tortryggilegt og alls enga „Íslandsvini".

Þó sögumaður líti á sig sem Evrópumann og hafi alltaf gert og geri enn ,var hann hinsvegar ekki einn þeirra sem vildi níða skóinn af krónunni. Hagsmunum heillar þjóðar, þá meinar hann heillar þjóðar en ekki bara sumra af þjóðinni er betur borgið í skjóli stærri eininga heldur en minni. Við eigum samleið með þjóðum Evrópu bæði menningarlega og efnahagslega þar sem við getum leitað skjóls í allri hnattvæðingunni.

Sögumanni fannst alltaf undarlegt að taka þátt í því að reyna „sökkva" sínu eigin skipi ef svo mætti að orða komast á meðan að við værum öll á því saman ! Það væri sennilega betra að sigla því örugglega í höfn og taka svo ákvörðun um að skipta um skip ( Evru) þegar við værum komin heim ! Þó ekki sé spurning í mínum huga að við sem þjóð verðum að taka upp annan gjaldmiðil og trúverðuga pengingamálastefnu en verið hefur, hefur það ekki hjálpað að nánast heil þjóð útvarpaði því bæði hátt og snjallt innanlands sem utan að krónan væri „ónýt" Er það ekki nema von þegar engin er trúin á gjaldmiðilinn að ekki er von að aðrir hafi það erlendis heldur ? Ekki hef ég heyrt Bandaríkjamenn níða skóinn af dollaranum þótt illa gangi,. eða Breta af sínu Pundi ! Við, sem fólk verðum líka að horfa í eigin barm og tala betur til lands og þjóðar um og til okkur sjálfra. Bera meiri sjálfsvirðingu og auðmýkt fyrir brjósti til alls en nú er almennt gert í landi okkar.

Hið Nýja Austur-Þýskaland, Ný framtíðarsýn „Flokksins"

Já kæru félagar, eða Liebe Genosse, held ég að það hafi verið skrifað á þýsku eins og félagar í austur-þýska kommúnistaflokknum ávörpuðu hvorn annan hér áður fyrr.

En hver er svo framtíðarsýnin hjá fólkinu sem bauð uppá Þúsund ára Ríkið ? „Flokkurinn" sem lengi vel kenndi sig við frjálst framtak og einstaklinginn í fyrirrúmi og bauð okkur hinum uppá nýfrjálshyggjuna í „Littlu Búlgaríu" og þá peningamálastefnu sem hefur leitt okkur til nær þrota er aldeilis ekki af baki dottinn. Hann leitaði í átta vikur rúmar í gömlum skjölum um Austur Þýskaland og sáu þá að þeir gætu enn haldið völdum með Samtryggingunni með því að bjóða uppá Ný-kommúnisma í hæsta gæðaflokki í stað Nýfrjálshyggjunnar sem ekki gafst nógu vel greinilega. ! Nú væri tími boða, banna, hafta og eftirlits sem aldrei fyrr með flæði fjármagns og fólks. En eins og við munum heitir þetta að axla ábyrgð. Þetta er einn sá ótrúlegasti og alvarlegasti gjörningur sem sögumaður hefur upplifað í þessu landi og ekki til þess fallinn að auka tiltrú fólks á landinu, fjármálastarfseminni né gjaldmiðlinum sem í raun dó, því miður.Þó mest fyrir tilverknað þessara sömu aðila „Flokksins" sem hafa staðið vaktina á peningamálastefnu landsins í 17 ár og keyrt það í þrot nánast. Þeir sem síðan eiga að sjá um þetta allt saman í boði Íslands er Sebastian, fyrrum bjæarfógeti nú seðla og eftirlaunastjóri og samkvæmt áræðanlegum heimildum verður hann nú sérlegur yfirmaður STASI( Austur-Þýska leynilögreglan) á Íslandi ! Að sjálfsögðu fylgja nú enn ný eftirlaun þessu miklivæga embætti. Sebastían sem vart virðist skilja ensku og ég held hann sé heppinn að finna framdyrnar á bankanum þegar hann mætir til vinnu, hvað þá að halda áfram að „berja" inn Matador gjaldmiðilinn inní okkur öll hin, sem er enn á „life support" og við vinirnir og ættingar segjum: taktu hann af tækinu og leyfðu honum að deyja í sæmd og jörðum hann með fullri virðingu með þökkum fyrir árin 64 rúm eða hvað það nú er. Fyrir að hafa klætt okkur veitt okkur húsaskjól og það líf sem við íslendingar sem þjóð þekkjum í dag eða þekktum sem þjóð. Já úr Nýfrjálshyggju í Nýkommúnisma, á átta vikum, geri aðrir betur.

Það ber þó að taka það fram eins og ávallt er gert í öllum ráðstjórnarríkjum að þetta er allt gert til þess að „vernda" bæði fólkið og fyrirtækin í landinu enda hafa þau löngum verið þekkt fyrir að taka afkáralegar ákvarðanir í sínum eigin málum og löngu sannast að við getum ekki séð um okkur sjálf. Það getur hins vegar „Flokkurinn" í samfloti við Samtrygginguna gert öðrum betur.

Ég t.d. efast um að einhversstaðar í stjórnarskrá Austur-Þýskalands gamla, blessuð sé minning þess,hafi nokkuð einhvern tíman verið gert öðru vísi en með hagsmuni þjóðarinnar að leiðarljósi og hvergi orð á prenti um að verið væri að brjóta á einstaklingnum ! Enda þótti það ekki vera málið að fólk ferðaðist frjálst og á sína eigin ábyrgð, heldur var fólki bannað að ferðast þegar það vildi og ekki talið þjóna þjóðarheil að fara úr landi ! ( því það vildu allir yfirgefa landið eins og það var uppsett ) Þannig ef þú landsmaður góður hefur ekki trú á íslenskri krónu lengur og þótt stjórnvöld hafi það ekki heldur og viti mæta vel hverrar túrar og skoðunar við erum, settu þau lög svo þú getir ekki haft þessa skoðun né „ferðast" úr landi og það sem betra er að okkur er þröngvað áfram í þessari eymd með þeim til þess að þeir geti áfram haldið í völdin og ekkert til sparað þar.

Ekkert af þessu fólki hvorki ráðherrar einstakir svo ég muni né ríkistjórn þessa lands hvað þá spilavítin þrjú hafa beðið fólk afsökunar á þessu ! Beðið fólk afsökunar á þessu sem gerðist, og virðist hrokinn svo mikill að það getur ekki einu sinni beðist afsökunar á getuleysi sínu til að leysa málin af skynsemi og öryggi. Ekki er ég hér með að segja að um eina rétta „ríkisleið" sé að ræða enda hef ég ekki boðið uppá þennan glundurroða og getuleysi til þess að stjórna landinu undafarin ár og gef mér það leyfi að koma með lausn málsins sem allir vita að er til staðar og hefur verið nefnd af allmörgum. Sú leið er að gefa þjóðinni kost á að kjósa í þjóðaratkvæðagreiðlsu um hvort hefja eigi aðildarviðræður við Hin Dýrin í Hálsaskógi ( ESB) sjá hvaða samningum við myndum ná.

Jæja kæru „félagar",ég vil vera inn svona í anda samtímans þá vil ég leggja til efirfarandi sem ég veit að fleiri hafa gert en ómar þá bara bjartar og skærar en áður J

Við eigum sem þjóð að lýsa því yfir að við ætlum að kanna aðildaviðræður við Evrópusambandið og upptöku Evru, annahvort einhliða eða eins fljótt og auðið er. Láta á það reyna í alvöru viðræðum hvað er til bítanna og hvað ekki. Efna til þjóðaratkvæðagreiðlsu um hvort þjóðin styðji að hafnar verði viðræður um þau mál. Það er fyrir þjóðarheil og hagsmunum allra landsamanna og heimilanna og fyrirækjanna í landinu. Sama hvort um ræðir efnhagslegan stöðugleika, verðlag ,vaxtastefnu og trúverðugleika og traust sem við erum svo rúinn um þessar mundir. Við hvað eru þessir atvinnupólítíkusar hræddir ? að missa völdin og missa áhrifn og svo „desperate" að þeir vilja hvað sem er til halda í dauðvona gjaldmiðilinn og í völdin hvað sem það kostar ?

Við skulum standa saman öll sem eitt vinna eins og allt skynsamt og þokkalega vel greint fólk í viðskiptum gerir og lætur reyna á samningaviðræður, annars erum við bara eins og hræddar „ skólastelpur" á ballinu sem eins og Lilli Klifurmús þorir ekki að bjóða í dans og hvað þá heim í te ! því hann er alltaf að spá í hvort hann eigi séns í stelpuna eða ekki ! Eina leiðin er að spyrja hana og reyna við hana ekki satt ? Engan gunguskap nú, reyndu nú bara við stelpurnar !

Það sem kláralega gerist á þessum tímum mikilla umbreytinga og í senn hreinsana er allt þetta fals, svik, svindl og getuleysi þeirra sem um taumana hafa haldið er í raun afhjúpað í senn því það er ekkert rúm fyrir neitt annað en getu og sannleikann nú sem aldrei fyrr.

Kæru samlandar það er nú sem aldrei fyrr tími breytinga og nýrra sýna fyrir land og þjóð, við höfum ekkert að óttast nema síður sé. Þvert á móti er nú tími nýrra afla, þín og mín og hvernig viljum við sjá landið okkar verða. Við skulum ekki láta þetta fólk ala á ótta og hræðslu um að ef það haldi ekki völdum, fáum við engin lán frá neinum og hér verði bara volæði og eymd ! Getur það orðið verra en þetta sem „Flokkurinn" og núverandi og fyrrverandi „kærustur" hans hafa boðið okkur uppá á fullum launum og eftirlaunum í þokkabót ? „ Hvar er húfan mín ,hvar er hettan mín.,ég er vissum að það var hér allt í gær „ sungu ræningjar þrír Kasper, Jesper og Jónatan..en sá söngur er liðinn undir lok.

Megi gæfa gjörvilleiki og þjóðarheill vera hvaða flokkadráttum og hagsmunum fárra yfirsterkari.

Þorvaldur Skúlason

Höfundur býr í Reykjavík, ennþá…