Lánshæfismat Íbúðalánasjóðs lækkað

Matsfyrirtækið Standard & Poor's hefur lækkað lánshæfismat Íbúðalánasjóðs vegna langtímaskuldbindinga í íslenskum krónum í 'A' úr 'A+'.

Jafnframt var lánshæfiseinkunn vegna langtímaskuldbindinga í erlendri mynt lækkuð í 'A-' úr 'A'. Þetta kemur fram í tilkynningu til Kauphallar Íslands.

Þá voru langtímaeinkunnir settar á athugunarlista með neikvæðum vísbendingum. Þessi lækkun á lánshæfismati Íbúðalánasjóðs kemur í kjölfar yfirtöku ríkisins á 75 prósenta hlut í Glitni en lánshæfismat íslenska ríkisins var einnig lækkað og horfum breytt úr stöðugum í neikvæðar.