Theodór tryggði Lyn sigur

Landsliðsmaðurinn Theodór Elmar Bjarnason skoraði sigurmark Lyn í dag þegar liðið lagði Molde 1-0 á útivelli í norsku úrvalsdeildinni. Theodór spilaði allar 90 mínúturnar í leiknum líkt og félagi hans Indriði Sigurðsson.

Lyn komst í fjórða sæti deildarinnar með sigrinum og Fredikstad tyllti sér í annað sætið með 1-0 sigri á Tromsö. Garðar Jóhannsson var í liði Fredrikstad í dag, en hans menn léku manni færri síðustu 20 mínútur leiksins..

Þá vann Lilleström 3-0 sigur á Aalesund og Viking lagði Bodo Glimt 2-0.