HQ eignast Glitni í Svíþjóð á spottprís

HQ bankinn í Svíþjóð hefur keypt sænska hluta Glitnis fyrir 60 milljónir sænskra króna, jafnvirði um 900 milljóna íslenska.

Þetta kemur fram á vef Dagens Næringsliv. Þessi upphæð er einungis brot af því sem Glitnir greiddi fyrir bankann, sem áður hét Fischer Partners, fyrir tveimur árum. Sú upphæð nam 425 milljónum sænskra króna.

Haft er eftir forstjóra HQ bankans að hann sjái mikil tækifæri með þetta dótturfélag Glitnis. Það fylgir jafnframt fréttinni að vörumerkið Glitnir verði algjörlega þurrkað út þegar HQ taki við rekstri fyrirtækisins.