Þjálfari Brann hættir eftir tímabilið

Mons Ivar Mjelde mun hætta sem þjálfari norska liðsins Brann eftir tímabilið. Þetta var ákvörðun stjórnar félagsins þar sem gengi liðsins hefur ekki verið eftir væntingum.

Með Brann leika fimm íslenskir leikmenn, þeir Ólafur Örn Bjarnason, Kristján Örn Sigurðsson, Ármann Smári Björnsson, Gylfi Einarsson og Birkir Már Sævarsson.

Þrjár umferðir eru eftir af norska boltanum en Brann situr í áttunda sæti deildarinnar.

Mjelde hefur þjálfað Brann síðustu fimm ár en hann stýrði liðinu til meistaratitils á síðustu leiktíð.