Blackburn rúllaði yfir lánlaust lið Bolton

Benni McCarthy skoraði tvö mörk úr vítaspyrnum þegar Blackburn vann lánlaust lið Bolton 4-1 í ensku úrvalsdeildinni.

McCarthy skoraði fyrsta mark leiksins úr vítaspyrnu sem var ranglega dæmd á Grétar Rafn Steinsson. Bolton átti skot í tréverkið áður en Kevin Davies náði að jafna.

David Dunn fékk aðra vítaspyrnu sína og McCarthy fór aftur á punktinn á skoraði. David Bentley skoraði þriðja markið með skalla áður en Morten Gamst Pedersen innsiglaði sigurinn.

Þetta var fyrsti sigur Blackburn í fimm leikjum en liðið er í níunda sæti og á enn möguleika á Evrópusæti. Bolton er hinsvegar í sextánda sæti, þremur stigum frá fallsæti.

Fyrr í dag vann Aston Villa 2-1 sigur á Reading.