Kobe Bryant hefur skorað yfir 20 þúsund stig

Kobe Bryant, leikmaður Los Angeles Lakers, er yngsti leikmaður sem skorað hefur yfir tuttugu þúsund stig í NBA deildinni. Bryant skoraði 39 stig í gær þegar Lakers vann New York 95-90 á útivelli.

Alls hefur Bryant leikið 811 leiki og skorað 24,6 stig að meðaltali. Alls voru fimm Þorláksmessuleikir á dagskrá í NBA deildinni. Golden State gerði góða ferð til Cleveland og vann 105-96 sigur. Stephen Jackson skoraði 29 stig fyrir Golden State.

Detroit vann Houston 94-82 en liði Houston hefur gengið brösuglega að undanförnu. Luis Scola skoraði átján stig fyrir Houston í leiknum en Richard Hamilton var stigahæstur í Detroit með sautján stig.

Boston lagði Orlando Magic 103-91 en Paul Pierce skoraði 24 stig fyrir Boston í leiknum. Mikil spenna var í leik Denver og Sacramento þar sem Denver vann eins stig sigur 106-105. Linas Kleiza skoraði sigurkörfuna í blálokin.

Carmelo Anthony var stigahæstur í liði Denver með þrjátíu stig en Ron Artest skoraði mest fyrir Sacramento, 105 stig.