Stefán Þórðarson skoraði í tapi gegn Ljungskile

Norrkoping tapaði í dag sínum fyrsta leik í næstefstu deild Svíþjóðar. Þrátt fyrir að vera tveimur fleiri síðustu 20 mínúturnar bað liðið lægri hlut fyrir Ljungskilde, 2-1. Stefán Þórðarson kom Norrkoping yfir á 64. mínútu en Andreas Kristoffersson tryggði Ljungskilde sigurinn með tveimur mörkum. Norrkoping spilaði einum fleiri síðustu 49 mínúturnar og tveimur fleiri síðustu 20 mínúturnar. Stefán og Garðar Gunnlaugsson spiluðu allan leikinn fyrir Norrkoping.

Norrkoping situr þó sem fastast með 38 stig eftir 15 leiki, 12 stigum fyrir ofan GIF Sundsvall og Åtvidabergs.