Alfreð dreymir um að spila á "heimavelli" um helgina

Alfreð Gíslason viðurkennir að það væri draumur fyrir sig ef íslenska liðið næði í undanúrslitin á HM um helgina, því þá fengi liðið "heimaleik" í Köln þar sem hann stýrir liði Gummersbach í þýsku úrvalsdeildinni.

"Það væri draumur fyrir mig að fá leik í Köln og það er sannkallað handboltafár heima á Íslandi núna," sagði Alfreð í samtali við Handball World og bætti við að það væri búið að taka gríðarlegan toll að þjálfa á tveimur vígstöðvum undanfarið.

"Það tekur alltof mikla orku að stýra tveimur liðum. Ég hef til að mynda ekki komið nema sex sinnum heim til mín í Magdeburg síðan í júlí og það getur maður ekki boðið fjölskyldu sinni til lengdar," sagði Alfreð.