Wilbek gat ekki leynt gremju sinni út í dómarana

Danir þuftu að bíta í það súra epli að tapa fyrir sterku liði Króata í kvöld og voru menn á leiknum sammála um að dómgæslan hefði verið ansi vafasöm á köflum. Danski landsliðsþjálfarinn vildi ekki ganga svo langt að segja að brögð væru í tafli, en annar landsliðsþjálfari var snöggur að gefa sína skýrslu eftir leikinn.

"Það var svekkjandi að tapa þessum leik eftir að við náðum að komast inn í leikinn og jafna í lokin. Menn eins og Claus Möller Jakobsen og Kasper Hvidt stóðu sig mjög vel og segja má að Balic hafi verið eini maðurinn sem við réðum ekki almennilega við," sagði Wilbek, sem var óhress með dómgæsluna hjá þeim Valentyn Vakula og Aleksandr Ljudovik.

"Ég er auðvitað hlutdrægur, en nú höfum við verið með þessa dómara í fimm leikjum og við höfum tapað þeim öllum með einu marki, svo það er ekki ljóst við að maður fari að spyrja sig..." sagði Wilbek.

"Þetta var rosalega erfiður leikur og við vorum klárlega að spila við eitt besta handboltalið heims, en mér fannst dómararnir vera ansi mikið á bandi króatíska liðsins á mikilvægum augnablikum," sagði Claus Jakobsen, sem átti fínan leik.

Þjálfari Spánverja fylgdist með leiknum og það eina sem hann hafði að segja eftir leikinn var - "Króatar heppnir - Dómarar lélegir." 

Lasse Boesen var markahæstur Dana með 7 mörk í leiknum en Ivano Balic fór á kostum hjá Króötum og skoraði 9 mörk.