Túnisbúa vísað úr húsi fyrir að sparka í Íslending

Túnisar virtust vera heldur sárir og svekktir með úrslitin gegn Íslendingum, en þeir gerðu miklar væntingar til sinna manna í dag. Einum áhangenda Túnisa varð svo heitt í hamsi að hann sparkaði í stuðningsmann Íslendinga.

Það atvikaðist þannig að Íslendingurinn hljóp með íslenska fánann fyrir framan túnísku áhorfendurna og sneri svo aftur í átt til Íslendingan, þá spratt Túnisinn grami úr sæti sínu, hljóp á eftir Íslendingnum og sparkaði í afturendann á honum. Túnisanum var þá vísað úr húsi af öryggisvörðum eins og sjá má á myndinni hér til hliðar.