Fimm teknir fyrir ölvunarakstur á höfuðborgarsvæðinu

Fimm ökumenn voru teknir fyrir ölvunarakstur í umdæmi lögreglunnar á höfuðborgarsvæðinu í gær. Þrír voru stöðvaðir í Hafnarfirði og tveir í Reykjavík en þetta voru allt karlmenn. Tveir þeirra höfðu þegar verið sviptir ökuleyfi.

Sá þriðji var með löngu útrunnið ökuskírteini og lenti þar að auki í umferðaróhappi. Hann ók bíl sínum aftan á annað ökutæki sem kastaðist síðan áfram á það þriðja. Engin slasaðist alvarlega en tjónið er allnokkuð.

Þá stöðvuðu lögreglumenn 18 ára ökumann í Kópavogi en sá hefur aldrei öðlast ökuréttindi.