Hannes spáir 46 – 17

Hannes Jón Jónsson handknattleiksmaður með Ajax í Danmörku mun fylgjast með HM í handbolta eins og flestir Íslendingar. „Þeir ætla alltaf að verða meistarar," segir Hannes um Dani og stemmninguna í Danmörku fyrir mótinu.

„Ég er búinn að grafa upp netsíðu þar sem ég get horft á Ísland spila. Það verður gaman að fylgjast með þessu," sagði Hannes sem stundar nú stífar æfingar með liði sínu Ajax.

„Við erum að æfa stíft núna, langar æfingar og leiðinlegar. En við spiluðum fyrsta æfingaleikinn í gær og nú förum við að spila fleiri leiki og slaka aðeins á í lóðum og hlaupum."

En hverju spáir Hannes um leikinn í dag gegn Ástralíu? „Í ljósi þess að Ástralía vann Cook eyjar 63-5 í undankeppninni þá spái ég 46-17 fyrir Ísland," sagði Hannes.