Klitschko snýr aftur

Úkraínski hnefaleikarinn Vitali Klitschko hefur ákveðið að taka hanskana fram að nýju og stefnir á að mæta Rússanum Oleg Maskaev þann 21. apríl nk. Klitschko lagði hanskana á hilluna árið 2005 en segist vilja snúa aftur til að uppfylla æskudraum sinn.

"Ég er fullur af orku og hef náð mér að meiðslum og nú er kominn tími til að snúa aftur í hringinn," sagði Klitschko, sem er bróðir IBF og IBO meistarans Vladimir Klitschko. "Ég er búinn að leggja fram beiðni um að fá að mæta Maskaev í Moskvu í apríl og þar ætla ég að uppfylla gamlan draum - sem er að vera heimsmeistari um leið og bróðir minn," sagði Vitali brattur.