Allir með strætó 18. apríl 2007 00:01 Reykjavíkurborg hefur kynnt vistvæna stefnu. Það á að taka umhverfismálin í gegn til dæmis með því að útbúa náttúrusvæði til útikennslu í öllum hverfum, breikka göngu- og hjólreiðastíga og bæta skilyrði til fuglalífs og fuglaskoðunar í Vatnsmýri og á Tjörninni. Síðan verður líka mótuð loftslagsáætlun fyrir borgina til næstu tíu ára og þá mega nagladekkin aldeilis fara að skríða í skjól því til stendur að sporna við notkun þeirra. Ekki efast ég um að þessi græna bylting borgaryfirvalda tengist yfirvofandi ríkisstjórnarkosningum. Það er umhverfissveifla í þjóðfélaginu og Sjálfstæðismenn eru uggandi. Ég vona bara að vistvænu skrefin reynist borgarbúum jafn vel og lofað er í blaðaauglýsingunum. Það er samt ekki allt jafnskýrt sem þar stendur. Þessi setning býður til að mynda upp á stúdíu: „Ný mannvirki í borginni taka mið af hjólreiðum sem samgöngutæki." Vonandi þýðir þetta eitthvað meira en reiðhjólastatív við anddyri nýja hátæknisjúkrahússins. Það sem er þó hvað gleðilegast við umhverfisáætlunina er að Reykjavíkurborg ætli að bjóða námsmönnum ókeypis í strætó næsta haust. Það getur sparað þeim drjúgan skilding á ársvísu og verður jafnvel til þess að sumir geti selt bílinn sinn eða hætt við að kaupa svoleiðis grip. Margir eiga líklega eftir að átta sig á því að það tekur venjulega ekki meiri tíma að bíða eftir strætó en að skafa bíl á köldum vetrarmorgni. Gef ég mér þá þær forsendur að fólk þekki áætlun vagnanna. Það getur líka sparað heilmikið umstang að stimpla upplýsingasíma strætisvagnanna inn í farsímann sinn til að fá að vita hvernig best er að tengja saman tvær leiðir. Þar svarar fólk fullt þekkingar og þjónustulundar. Fæstir námsmenn búa svo vel að geta geymt bílana sína í bílskúrum yfir nóttina og þurfa því ekki aðeins að skafa heldur líka að setjast inn í hrollkaldan bíl. Það getur því oft verið mun notalegra að koma akandi til skóla eða í vinnu á upphituðum strætisvagni en í ísköldum einkabíl. Eini munurinn er sá að í eigin bíl getur fólk ráðið tónlistinni sem sjaldnast er í boði í strætó. Á móti kemur að í strætó má efna til fjöldasöngs. Möguleiki sem allt of sjaldan er nýttur. Viltu birta grein á Vísi? Sendu okkur póst. Senda grein Gerður Kristný Mest lesið Börn í gámaskólum á meðan bæjarskrifstofur stækka – hvar er forgangsröðin? Ásgeir Elvar Garðarsson Skoðun Skýr stefna um málfrelsi Róbert H. Haraldsson Skoðun Munar þig um 5-7 milljónir árlega? Jón Pétur Zimzen Skoðun Kosningar í september Guðveig Lind Eyglóardóttir Skoðun Umbætur á skólakerfinu. Hættum að ljúga. Hættum því alveg og hættum því strax Atli Harðarson Skoðun Skóli án aðgreiningar – fallegt orðalag en brotakennd framkvæmd Sóldís Birta Reynisdóttir Skoðun Heilsufarsmat á vinnustöðum: Góð fjárfesting í heilbrigði og vellíðan starfsfólks Gígja Valgerður Harðardóttir Skoðun Keldnaland – fjölmenn hverfi í mótun Þorsteinn R. Hermannsson Skoðun Olíuleit á Drekasvæði - tilvistarleit Halldór Reynisson Skoðun Framtíð nemenda í Kópavogi í fyrsta sæti Halla Björg Evans Skoðun
Reykjavíkurborg hefur kynnt vistvæna stefnu. Það á að taka umhverfismálin í gegn til dæmis með því að útbúa náttúrusvæði til útikennslu í öllum hverfum, breikka göngu- og hjólreiðastíga og bæta skilyrði til fuglalífs og fuglaskoðunar í Vatnsmýri og á Tjörninni. Síðan verður líka mótuð loftslagsáætlun fyrir borgina til næstu tíu ára og þá mega nagladekkin aldeilis fara að skríða í skjól því til stendur að sporna við notkun þeirra. Ekki efast ég um að þessi græna bylting borgaryfirvalda tengist yfirvofandi ríkisstjórnarkosningum. Það er umhverfissveifla í þjóðfélaginu og Sjálfstæðismenn eru uggandi. Ég vona bara að vistvænu skrefin reynist borgarbúum jafn vel og lofað er í blaðaauglýsingunum. Það er samt ekki allt jafnskýrt sem þar stendur. Þessi setning býður til að mynda upp á stúdíu: „Ný mannvirki í borginni taka mið af hjólreiðum sem samgöngutæki." Vonandi þýðir þetta eitthvað meira en reiðhjólastatív við anddyri nýja hátæknisjúkrahússins. Það sem er þó hvað gleðilegast við umhverfisáætlunina er að Reykjavíkurborg ætli að bjóða námsmönnum ókeypis í strætó næsta haust. Það getur sparað þeim drjúgan skilding á ársvísu og verður jafnvel til þess að sumir geti selt bílinn sinn eða hætt við að kaupa svoleiðis grip. Margir eiga líklega eftir að átta sig á því að það tekur venjulega ekki meiri tíma að bíða eftir strætó en að skafa bíl á köldum vetrarmorgni. Gef ég mér þá þær forsendur að fólk þekki áætlun vagnanna. Það getur líka sparað heilmikið umstang að stimpla upplýsingasíma strætisvagnanna inn í farsímann sinn til að fá að vita hvernig best er að tengja saman tvær leiðir. Þar svarar fólk fullt þekkingar og þjónustulundar. Fæstir námsmenn búa svo vel að geta geymt bílana sína í bílskúrum yfir nóttina og þurfa því ekki aðeins að skafa heldur líka að setjast inn í hrollkaldan bíl. Það getur því oft verið mun notalegra að koma akandi til skóla eða í vinnu á upphituðum strætisvagni en í ísköldum einkabíl. Eini munurinn er sá að í eigin bíl getur fólk ráðið tónlistinni sem sjaldnast er í boði í strætó. Á móti kemur að í strætó má efna til fjöldasöngs. Möguleiki sem allt of sjaldan er nýttur.
Börn í gámaskólum á meðan bæjarskrifstofur stækka – hvar er forgangsröðin? Ásgeir Elvar Garðarsson Skoðun
Umbætur á skólakerfinu. Hættum að ljúga. Hættum því alveg og hættum því strax Atli Harðarson Skoðun
Skóli án aðgreiningar – fallegt orðalag en brotakennd framkvæmd Sóldís Birta Reynisdóttir Skoðun
Heilsufarsmat á vinnustöðum: Góð fjárfesting í heilbrigði og vellíðan starfsfólks Gígja Valgerður Harðardóttir Skoðun
Börn í gámaskólum á meðan bæjarskrifstofur stækka – hvar er forgangsröðin? Ásgeir Elvar Garðarsson Skoðun
Umbætur á skólakerfinu. Hættum að ljúga. Hættum því alveg og hættum því strax Atli Harðarson Skoðun
Skóli án aðgreiningar – fallegt orðalag en brotakennd framkvæmd Sóldís Birta Reynisdóttir Skoðun
Heilsufarsmat á vinnustöðum: Góð fjárfesting í heilbrigði og vellíðan starfsfólks Gígja Valgerður Harðardóttir Skoðun