Ég gæti notað mann eins og Giggs

Dunga, landsliðsþjálfari Brasilíu, var mjög hrifinn af Ryan Giggs í gærkvöldi þegar Brassar lögðu Wales í æfingaleik á White Hart Lane. Brassar höfðu 2-0 sigur, en Dunga þótti Ryan Giggs fara á kostum í þær 45 mínútur sem hann spilaði í gær.

"Hver einasti þjálfari í heiminum væri til í að hafa leikmann eins og Giggs í hóp sínum og ég er þar engin undantekning. Ég held samt að ég myndi lenda í vandræðum ef hann væri í liði mínu, því ég myndi ekkert vita hvar ég ætti að tefla honum fram. Ég er með svo marga góða leikmenn," sagði Dunga.