18 ára gutti sló Roddick út

Átján ára gamall piltur frá Englandi gerði sér lítið fyrir og lagði besta tenniskappa heims, Andy Roddick í SAP mótinu í San Jose í Bandaríkjunum.

Úrslitin komu mjög mikið á óvart en Murray er númer 60 á heimslista tenniskappa en Roddick trónir þar á toppnum. Murray mætir Ástralanum Layton Hewitt í úrslitaleiknum en hann vann Vincent Spadea í sínum undanúrslitaleik, 2-0.

Murray vann leikinn einnig 2-0 en settin fóru 7-5 og 7-5. Leikurinn var því æsispennandi og tók mikið á taugarnar: "Mér var næstum óglatt vegna spennunnar en ég komst í gegnum þetta. Að vinna Roddick í hans eigin heimalandi er eins og draumur að rætast," sagði Murray eftir sigurinn frækna.