Forsætisráðherra Palestínu segir af sér

Ahmed Qurie, forsætisráðherra Palestínu hefur sagt af sér og ríkisstjórnin öll. Þá hafa Hamas-samtökin lýst því yfir að þau hafi sigrað þingkosningarnar í Palestínu. Útgönguspár sýna hins vegar að hvorki Hamas-samtökin né Fatah-flokkur Mahmoud Abbas forseta Palestínu hlutu hreinan meirihluta í þingkosningunum í Palestínu í gær, en talningu atkvæða er ekki lokið og verða tölur ekki birtar fyrr en síðdegis í dag. Samkvæmt útgögnuspám hefur Fata flokkurinn fengið 58 þingsæti og Hamas 53, en 132 sæti eru á þinginu. Nú blasir við að Hamas geti myndað stjórn með einhverjum af hinum níu framboðunum, sem sum náðu þingsætum. Bæði Ísraelstjórn, Bandaríkjastjórn og Evrópusambandið hafa lýst því yfir að litið sé á Hamas sem hryðjuverkasamtök sem ekki verður samið við. Um ein og hálf milljón kjósenda hafði kosningarétt og nýttu nær þrír fjórðu þeirra þann rétt sinn