Ólöglegar uppsagnir flugmanna segir FÍA

Uppsagnir flugmanna hjá Landsflugi eru ólöglegar, að mati Félags íslenskra atvinnuflugmanna. Félagið hefur þegar afhent Landsflugi mótmæli vegna þessa, þar sem það áskilur sér allan rétt til að verja hagsmuni félagsmanna sinna.

Landsflug sagði upp öllum íslenskum flugmönnum sem starfa hjá félaginu. Félag Íslenskra atvinnuflugmanna segir að á sama tíma sé flugfélagið að auka starfsemi sína í Skotlandi, og þar starfi erlendir flugmenn sem verktakar. Samkvæmt kjarasamningum, tengdum flugrekstrarleyfi, eigi íslenskir flugmenn forgang að störfum hjá Landsflugi.