Meistaradeildin er óklárað verkefni

Arsene Wenger segir hungur í velgengni í meistaradeildinni svo mikið að það yrði ekki nóg fyrir sig að vinna keppnina þrjú ár í röð. Arsenal krækti í silfurverðlaun á síðustu leiktíð, en það er fjarri því að nægja Wenger. Arsenal mætir Porto í keppninni í kvöld og verður leikurinn í beinni á Sýn Extra klukkan 18:30.

"Ég veit ekki hvenær ég hætti að þjálfa, en ég er viss um að ég verð ekki sáttur við þann fjölda titla sem þá verða í húsi. Ég held meira að segja að það væri ekki nóg að vinna meistaradeildina þrjú ár í röð til að slökkva þetta hungur. Ég veit ekki af hverju ég er með þessa tilfinningu, hún hefur alltaf verið þarna," sagði Wenger.