Wigan hafnar tilboði Tottenham í Chimbonda

Wigan hefur sagt þvert nei við 3 milljón punda tilboði Tottenham í bakvörðinn knáa Pascal Chimbonda og stendur félagið fast á því að fá helmingi hærri upphæð en það fyrir leikmanninn. Chimbonda vill fara frá Wigan í sumar.

Forráðamenn Wigan segja ekki koma til greina að selja mann sem var í úrvalsliði ensku deildarinnar fyrir litlar 3 milljónir og heimta 6 milljónir fyrir hann. Chimbonda lagði fram skriflega beiðni um að vera settur á sölulista eftir lokaleik liðsins á dögunum og er núna úti í kuldanum hjá Paul Jewell knattspyrnustjóra.