Maður liggur á gjörgæsludeild eftir umferðarslys á Hvolsvelli í gærkvöldi, en þar skall bifreið aftan á vörubíl sem var nánast kyrrstæður við gatnamót. Kalla þurfti til tækjabíl frá Selfossi og klippa manninn út úr bílnum, en hann var síðan fluttur með sjúkrabíl til Reykjavíkur. Samkvæmt vakthafandi lækni á gjörgæsludeild er maðurinn mikið slasaður, en ekki í öndunarvél.
Mikið slasaður eftir bílslys
