Leikum okkur með líkamann 19. janúar 2005 00:01 "Að kenna börnum jóga felst að nokkru í því að gera æfingarnar skemmtilegar og skapa úr þeim leik þannig að þau verði aldrei leið. Við leikum okkur með líkamann, hermum eftir dýrum, búum til sögur og segjum þær með jógastöðum. Svo förum við í leiki þar sem við fáum að hlaupa og fá útrás og leiki sem byggjast á einbeitingu og kyrrð. Eldri krakkarnir hafa líka gaman af því að spreyta sig á jógastöðum og sjá hvað þeir geta." Þetta segir Guðrún Arnalds jógakennari og játar að það hafi komið sér á óvart hversu auðvelt sé yfirleitt að halda börnum við efnið. Námskeiðin standa í 12 vikur og eru að hefjast nú á föstudaginn 21. janúar. Guðrún hefur kennt fullorðnum jóga í nokkur ár og byrjaði að kenna börnum í fyrravetur eftir að hafa sótt námskeið í barnajóga í London og annað í sirkusjóga í Bandaríkjunum. Hana dreymir um að koma meira af jóga inn í skólana og hún segir því víða hafa verið tekið vel. "Markmiðið með því er að auka vellíðan barnanna og stuðla að auknum sjálfsaga og betri einbeitingu. Einnig að styrkja líkamann og auka sveigjanleika hans. Ég reyni að hjálpa börnum að auka tilfinningu fyrir sjálfum sér bæði líkamlega og tilfinningalega og efla sjálfstraust þeirra. Jóga getur til dæmis verið mjög gagnlegt í sambandi við ofvirkni og í því að koma orkunni í réttan farveg," segir hún. Hóparnir í Laugum skiptast í tvennt eftir aldri. 4-7 ára og 8-11 ára og að sögn Guðrúnar eru foreldrarnir með börnunum í yngri hópnum og í annað hvert skipti með eldri börnunum. "Þetta er jú líka hugsað þannig að foreldrarnir geti gert eitthvað með krökkunum sínum sem er öðru vísi en það sem þeir gera á hverjum degi. Þetta er tími til að vera saman á skapandi hátt," segir hún að lokum. Heilsa Nám Mest lesið „Stundum finnst mér hún vera farin þó hún sé enn á lífi“ Lífið Hermína sem missti folald og móðurlaus Tígull fundu hvort annað Lífið Krakkatían: Litla hafmeyjan, Pollapönk og lundar Lífið „Það var tímapunktur sem ég talaði aldrei um neitt“ Menning Fann ástina á Balí en nýtur hennar í Kóreu Lífið Myndasyrpa úr Eyjum: „Út með kassann og áfram gakk“ Lífið Þrettán bestu lög Ozzy Osbourne Lífið „Þarna fylltist hjartað af hamingju“ Lífið Gary Busey játar kynferðisbrot Lífið Fréttatía vikunnar: Verslunarmannahelgin, forsetaheimsókn og mannasaur Lífið Fleiri fréttir „Það var tímapunktur sem ég talaði aldrei um neitt“ Galdrakarlinn í Oz aftur á fjalirnar Nýr barnakór Hallgrímskirkju stofnaður Bogi hljóp í skarðið fyrir Kristbjörgu Kjeld og ærði áhorfendur Risastór menningarhátíð á Flateyri Ofboðslega falleg berskjöldun Nýjum listaverkum komið upp á Héðinsreitnum Sjá meira
"Að kenna börnum jóga felst að nokkru í því að gera æfingarnar skemmtilegar og skapa úr þeim leik þannig að þau verði aldrei leið. Við leikum okkur með líkamann, hermum eftir dýrum, búum til sögur og segjum þær með jógastöðum. Svo förum við í leiki þar sem við fáum að hlaupa og fá útrás og leiki sem byggjast á einbeitingu og kyrrð. Eldri krakkarnir hafa líka gaman af því að spreyta sig á jógastöðum og sjá hvað þeir geta." Þetta segir Guðrún Arnalds jógakennari og játar að það hafi komið sér á óvart hversu auðvelt sé yfirleitt að halda börnum við efnið. Námskeiðin standa í 12 vikur og eru að hefjast nú á föstudaginn 21. janúar. Guðrún hefur kennt fullorðnum jóga í nokkur ár og byrjaði að kenna börnum í fyrravetur eftir að hafa sótt námskeið í barnajóga í London og annað í sirkusjóga í Bandaríkjunum. Hana dreymir um að koma meira af jóga inn í skólana og hún segir því víða hafa verið tekið vel. "Markmiðið með því er að auka vellíðan barnanna og stuðla að auknum sjálfsaga og betri einbeitingu. Einnig að styrkja líkamann og auka sveigjanleika hans. Ég reyni að hjálpa börnum að auka tilfinningu fyrir sjálfum sér bæði líkamlega og tilfinningalega og efla sjálfstraust þeirra. Jóga getur til dæmis verið mjög gagnlegt í sambandi við ofvirkni og í því að koma orkunni í réttan farveg," segir hún. Hóparnir í Laugum skiptast í tvennt eftir aldri. 4-7 ára og 8-11 ára og að sögn Guðrúnar eru foreldrarnir með börnunum í yngri hópnum og í annað hvert skipti með eldri börnunum. "Þetta er jú líka hugsað þannig að foreldrarnir geti gert eitthvað með krökkunum sínum sem er öðru vísi en það sem þeir gera á hverjum degi. Þetta er tími til að vera saman á skapandi hátt," segir hún að lokum.
Heilsa Nám Mest lesið „Stundum finnst mér hún vera farin þó hún sé enn á lífi“ Lífið Hermína sem missti folald og móðurlaus Tígull fundu hvort annað Lífið Krakkatían: Litla hafmeyjan, Pollapönk og lundar Lífið „Það var tímapunktur sem ég talaði aldrei um neitt“ Menning Fann ástina á Balí en nýtur hennar í Kóreu Lífið Myndasyrpa úr Eyjum: „Út með kassann og áfram gakk“ Lífið Þrettán bestu lög Ozzy Osbourne Lífið „Þarna fylltist hjartað af hamingju“ Lífið Gary Busey játar kynferðisbrot Lífið Fréttatía vikunnar: Verslunarmannahelgin, forsetaheimsókn og mannasaur Lífið Fleiri fréttir „Það var tímapunktur sem ég talaði aldrei um neitt“ Galdrakarlinn í Oz aftur á fjalirnar Nýr barnakór Hallgrímskirkju stofnaður Bogi hljóp í skarðið fyrir Kristbjörgu Kjeld og ærði áhorfendur Risastór menningarhátíð á Flateyri Ofboðslega falleg berskjöldun Nýjum listaverkum komið upp á Héðinsreitnum Sjá meira