Belti og loftpúðar björguðu miklu

Öryggisbelti og til þess búnir loftpúðar eru taldir hafa bjargað ökumönnum tveggja bíla sem lentu saman á gatnamótum Dragháls og Bitruháls laust eftir hádegi í dag. Ekki er ljóst með hvaða hætti slysið varð en bílarnir voru að mætast þegar þeir lentu harkalega saman á gatnamótunum. Ökumennirnir tveir sluppu án teljandi meiðsla. Lögregla brýnir fyrir ökumönnum að fylgjast vel með lúmskri hálku sem gert hafi vart við sig undafarna morgna og haga akstri sínum eftir því.