Öryggismyndavél með símkorti

Hafin er sala á nýrri eftirlitsmyndavél frá Nokia sem sögð er geta hentað fyrir heimili og eins til að hafa auga með sumarbústöðum. Myndavélin heitir PT-6 og er í sölu hjá Og Vodafone, en hún er með hreyfiskynjara og sendir frá sér ljósmynd eða hreyfimyndaskrá í farsíma eða tölvupósti ef óboðinn gest ber að garði. Einnig má stilla tækið þannig að hún sendi gögn um SMS eftir pöntun. Þá er hægt að hringja í myndavélina og hlusta. Vélin tekur innrauðar myndir í myrkri og er með aðdráttarlinsu.