Dóttirin algjör draumur

"Hún var bara stór miðað við hvað kúlan var lítil," segir Íris Björk Árnadóttir fyrrum fegurðardrottning sem eignaðist sitt annað barn 18. desember síðastliðinn. Íris Björk og kærastinn hennar Kristján Jón Jónatansson eiga fyrir dótturina Katrínu Emblu sem varð 1 árs 20. október. Íris og Kristján ætla að bíða með skírnina þar til pabbi Kristjáns kemur heim af sjónum en hafa nefnt stelpuna Birtu Maríu. "Hún er alveg rosalega góð og sefur og drekkur til skiptist. Í fyrstu hélt ég að hún væri komin með guluna þar sem hún sefur svo mikið en nú hef ég sannfærst um að hún er algjört draumabarn. Hún þyngist mjög vel og er komin yfir allar vaxtarkúrfur." Stóru systir leist ekkert of vel á þá litlu í byrjun en nú segir Íris hana hafa tekið Birtu Maríu í sátt. "Katrín Embla er voða góð og ánægð með hana. Í fyrstu skildi hún þó ekkert hver færi að troða sér hjá mömmu hennar en nú vill hún fá að halda á henni og er mjög sátt." Lestu ítarlegra viðtal við Írisi Björk í tímaritinu Magasín sem fylgir DV í dag.