Dagar salkjöts og bauna

Fólk velur heldur magrara saltkjöt en áður og saltminna, segir sölustjóri Sláturfélags Suðurlands. Sala hafi heldur aukist en dregist saman síðustu ár. Bryndís Eva Birgisdóttir næringafræðingur segir alla fæðu góða í hófi: "Saltkjötið fæst mjög salt og misfeitt. Það flokkast ekki beint undir hollustu en sé þess neytt sjaldan er það í lagi," segir Bryndís sem hvetur fólk til að borða meira af baununum allt árið um kring. Bjarni Ólafur Guðmundsson sölustjóri segir erfitt að meta hve mikið sé framleitt af saltkjöti á landsvísu fyrir Sprengidag. Tonnin séu á billinu fimmtíu til eitt hundrað hjá íslenskum framleiðendum: "Íslendingar eru stemningsþjóð. Við upplifum gamla tímann á þessum dögum." Bjarni merkir aukna sölu hjá SS á saltkjöti utan aðalvertíðar. Þá helst í sölu saltkjötsskyndirétts 1944. Sala á réttinum hafi aukist um helming frá sama tíma í fyrra og 22 prósent á ársgrundvelli.