Vopnuð átök í uppsiglingu

Kínverskur ráðherra segir að vopnuð átök kunni að vera óumflýjanleg ef ríkisstjórn Taívans haldi áfram að ögra Kínverjum. Wang Sæxi er fyrrverandi hershöfðingi, í Kínverska hernum, en gegnir nú embætti varaforseta ráðuneytis sem fer með málefni Tævans og Kína. Hann sagði í viðtali við Reuters fréttastofuna, um helgina, að Taiwanar væru að leika sér að eldinum. Spenna milli landanna hefur farið vaxandi, eftir að Chen Subian, var endurkjörinn forseti Tævans, í mars síðasstliðnum. Chen er ákafur talsmaður þess að Tævan fái viðurkenningu sem sjálfstætt ríki, en kínverjar líta á eyjuna sem hérað í Kína. Þeir hafa oftar en einusinni hótað við að beita vopnavaldi til þess að innlima Tævan, ef annað dugi ekki. Kínverski ráðherrann sagði að kínverjar hefur sýnt mikla stillingu í samskiptum við Tævan, en það gæti breyst, ef ögrunum yrði haldið áfram. Menn hafa talsverðar áhyggjur af því hvað gerist þegar þingkosningar verða á Tævan, ellefta desember. Chen hefur lofað að ef flokkur hans fái meirihluta á þingi, muni hann sækja um aðild að Sameinuðu þjóðunum undir nafni Tævans, en ekki sem Kínverska lýðveldið, sem er hið opinbera nafn eyjarinnar. Ef af því verður má búast við harkalegum viðbrögðum Kínverja.