Heitar súpur

Gúllassúpa Margrétar Pálu°: 200-500 g nautakjöt, lambakjöt, svínakjöt eða folaldakjöt -- eftir smekk 2-3 lítrar af grænmetissafa (t.d. Granini) –- eftir magnóskum 2-3 dósir af niðursoðnum tómötum –- skornir tómatar eru ljómandi 2-4 kartöflur, nokkrar gulrætur, vænn laukur og 1-2 paprikur Ferskt eða þurrkað chili –- magn eftir bragðlaukakjarki Mikið af paprikudufti (hvítlaukur, piparmix, tómatsósa) Kjötið skorið í bita og léttbrúnað í talsvert miklu paprikudufti og smá chili. Grænmetissafa og tómötum er síðan hellt yfir og smá vatn þarf til að skola og hella öllum krafti úr flöskum og dósum í pottinn. Soðið meðan kartöflur, gulrætur, laukur og paprika er brytjað í smekklega bita og bætt í pottinn, paprikunni þó nokkru síðar en harða grænmetinu. Soðið vel og lengi og bragðbætt með meira paprikudufti og chilli –- ef þannig liggur á fólki má nota ferskan hvítlauk, piparmix og/eða tómatsósuskvettu til að föndra við bragðið. Súpuna má bera fram með þeyttum eða sýrðum rjóma eða þá hreinni jógúrt –- og vitaskuld hvaða brauði sem er. Kjúklingasúpa Lilju: 4 skinnlausar kjúklingabringur skornar í bita 2 stórar kartöflur (bökunarstærð) skornar í litla teninga 1 laukur smátt saxaður 1/2 dl smátt saxað ferskt engifer gulrótin sem er einmana í grænmetisskúffunni eða eitthvert annað grænmeti sem er til 2 teningar af kjúklingakrafti 1 lítri vatn 1 msk. milt karrý 1 msk. góð sojasósa 1 msk. Worcestershire-sósa 2 msk. sæt taílensk chili-sósa (má líka nota ferskt chili eða chili-duft) 1 msk. sólblómaolía eða olíuúði Kjúklingabitarnir eru steiktir í pottbotninum í olíunni og þegar þeir hafa lokast er karrýinu bætt út í og þeim velt vel upp úr því. Helmingnum af engiferinu og helmingnum af lauknum er bætt út í þetta þar til það ilmar vel. Kjúklingakrafturinn er leystur upp í sjóðandi vatninu og þessu bætt út í ásamt kartöflum, grænmeti og afgangnum af engifer og lauk. Sósunum er slett út í þetta, lok sett á pottinn og látið sjóða í um hálftíma. Borið fram með góðu brauði eða haft vel af hrísgrjónanúðlum úti í. Báðar uppskriftirnar eru fyrir fjóra.